6.19.2008

unsaon pagsabot sa dili maibot

















Sa wala pa matawo
si Aristotle og Plato
kining sima nga nitaga
sa mga tig-a nga banga,
ug mga Gunggong nga langig
nga wala kaila
sa garbosang Makahiya-
nga kung motutok
makalugnot sa tukmo
sa ilang mga utok
nga gubot pa sa lukot.

Mao na kini ang tigmo
nga dili masulbad

Kay unsaon ko man, Dong
ang baka nga natumba
ug ang akong kahumot
nga sa langit nunot?

Konsehal, pasagdi na lang
kining ngabil nga basa
padayona ang imong paghapa
og likayi ang taga
aron di ka maigo sa sima.



-- MARIA VICTORIA BELTRAN
Cebu City, Philippines

No comments:


Daghang salamat sa mga maniniyot nga gapaambit sa ilang mga hulagway sa Google ug Flickr.