7.13.2008

meine kleine katze
















kanang iring
nga dili sungkaban
gipanag-iya
kana sa Aleman
o dili ba kaha
sa adunahan
kay didto sa amo
sa bukid
sa Mayapay
dili mi malipay
ugaling magmahay
kon ang among
iring maghulat
lang sa daplin
sa balay ni libay libat
ug sa bahawng
nangidhat
kay ang tinuod
nga paryente
sa bangis nga tigre
walay giila
nga balaod dinhi
dili anggid
sa usa ka lalaki
nga atubangan
sa lamiang babaye
buta ug dili makasulti.


-- MARIA VICTORIA BELTRAN
Cebu City, Philippines

No comments:


Daghang salamat sa mga maniniyot nga gapaambit sa ilang mga hulagway sa Google ug Flickr.