8.14.2008

Di ko ganahag burikat nga daghag patik
















Di ko ganahag burikat
Nga daghag patik.
Kay kung mahubog ko,
Mogara kog balak
Sa mga linya ni Ovid.
Kung dugsing-dugsingon
Ko niya sa iyang tutoy,
Malibat kog tan-aw
Sa tinta sa alibangbang
Diha sa iyang dughan
Nga mas buhi pa kaysa
Sa lagom niyang atngal.
Ug kung mokaob siya,
Mopatara og tuwad,
Diin sa iyang dapidapi
Gakalampati ang tinta
Sa tunukong mga rosas,
Mabaw nuon kog tangkas
Sa idlot nga linya ni Ovid:
Saepe creat molles
Aspera spina rosas --

Sa tunukon mangudlot
Ang rosas sa katahom.



-- ADONIS G. DURADO
Bangkok, Thailand

No comments:


Daghang salamat sa mga maniniyot nga gapaambit sa ilang mga hulagway sa Google ug Flickr.