siglo kadto sa pagutlan
diin ang talidhay
nag-utaw-utaw sa kalisang
ug ang uniberso miyukog
mihalok sa abog
sa paghinulsol sa Ginoo
sa baliw nga milukop sa paraiso
di na malung-ag ang yuta
nga nahumig sa asido
tawo nangahimong ungo
dihang wan-ay lami ang iyot
tan-awa ang Harry Potter
di ba kini usa ka panagna
sa pagpanggasking sa makina
sa computer age
nga nakabsan sa enerhiya
baya, ang magbabalak
nailo mas papel ug laptop
nagsandig sa tuod milanit
sa tukhing wa na magamit
malinawong mibirisbiris
diha sa nagkagas niyang panit
-- EDGAR S. GODIN
Manila, Philippines
No comments:
Post a Comment