8.05.2008

pagkunsad

















Dili na unta ko kinahanglan pang magnganga
sa paghangad sa gihabogon sa kalanggaman.
Dili na unta ko maglaway sa tanang alimyon
nga gipalanog sa buyog kon matilawan pa nako
ang kahinam sa pak-an nga mokalawat bisan
sa tanang nangalisngaw. Ang pansayan luyo
sa tiyanggihan. Ang basurahan. Ang kadalanan
nga nalatik sa naawas nga dugo sa nagbuy-od.
Ang samad nga gikabahong. Ang muta sa anak
sa makililimos nga gipukaw sa iyang kagutom.
Ayaw og lingiw. Duol ra ang langit sa langaw.



-- MICHAEL U. OBENIETA
Topeka, Kansas, USA

No comments:


Daghang salamat sa mga maniniyot nga gapaambit sa ilang mga hulagway sa Google ug Flickr.