Nindot kaayo kang gakson
Kadtong patudlo pa ka nakog
Makinilya didtos inyo
Adtong mga daklit nga
Magtingkagol akong kahinam
Mapugos kog hikalimot
Sa tinuod nga katuyoan
Bisan tuskig kaaykag tudlo
Aw, makapikal god unta kon
Dibdibon gyod nako
Pero sige lang agwantahon ko lang
Kay ganahan kos imong pagka-foxy
Nga maglayat-layat sa akong pagka-dogie
Kanunay lang tang gabalik-balik anang
The quick brown fox
Jumps over the lazy dog.
Pero wa kay asenso
Misamot nuog katuskig nang tudlo mo
Samot na man tingalig gamitan ta ka'g
Touch system nga inantigo
Mangambot lang gyod ko
Kay kanang tudlo mong
Gatul-id lang segurado gyong
Molimbag kon mo-shift na ta sa
Upper case ug mopadayugdog
Sa inundak sa mga tekla sa
Sa atong duha ka makinilya
Morag hinanggaw
Pero mao dyod nay tinuod
Busa, bisan kapila pa ta magsubli-subli
Anang makapuol nga the quick brown fox
Jumps over the lazy dog
Andam gihapon kong mopailob.
-- OMAR KHALID
Medellin, Cebu, Philippines
No comments:
Post a Comment