8.09.2008

thinner man

















Sa imong pagkakontemplatibo,
makasulti gyud ko

nga ikaw ang maka-perpekto,
sa eksistensyalismo.
Si Kierkgaard mobangon gikan
sa iyang lubnganan
aron ikaw pasalamatan
ug dayon mo-ingon ra ka nga
wa'y sapayan.

Sa matag suyop mo sa thinner,
imong gipanipis ang pintal
nga galukop ni'ng dakbayan.
Ang kwadrado nga lata
nga gisudlan sa thinner mao
ang nagpalingin sa imong kalibotan.
Tungod sa imong pagpanaw
nga way kahuman, basin

ikaw mailhan nga Sugboanong
flying Dutchman.

Ug sa akung paglabay kanimo,
usa ra akong masulti:
Bon appetit!


-- BAL MARSIUS VALDEHUEZA
Cebu City, Philippines

No comments:


Daghang salamat sa mga maniniyot nga gapaambit sa ilang mga hulagway sa Google ug Flickr.