Wala ko kasabot
Sa buot ipaibot
Ni T.S. Eliot
Ang manunulat kuno
Kinahanglan nga
Kahibalo mosawom
Sa suba sa mga panghitabo
Nga dugay nang nanglabay,
Molangoy kuyog
Sa karaang mga isda
Nga gidagit na sa sulog,
Ug makaamgo
Nga bisan kining tanan
Lumalabay lang
Nagpabilin lang gihapon
Kanatong tanan.
Kay bisan unsaon
Nako pagsul-ob
Sa bakya ni Maria Clara
Motumaw man gyod
Si Maria Victoria.
Wala man ko kaila
Nilang duha.
-- MARIA VICTORIA BELTRAN
Cebu City, Philippines
No comments:
Post a Comment