Nagsugod siyag badlis
Sa dili mga untop nga mga linya sa balay ni Vanna.
Tidlom sa mga kontradiksiyon sa mga direksiyon
Tunga dayon langoy sa mga komplikasyon.
Iyang gipalakaw ang teyoriya sa desinyo sa itik
Ug gihimong inspirasyon ang mga bugaw sa Las Vegas.
Ang hibat nga libat
Ang batbat sa bidlisiw sa desinyo
Ang tradisyon sa mga Griyego
Iyang gipapingisan ang mga klasikong Italyano.
Saksak-sinagol
Sama sa nagisigisi nga panagway sa kuwanggol.
Sa panahon nga hari ang makina
Iyang gibalilbalig sagpa ang ilang doktrina.
Ingon ang mga propesor nga mao kini ang uyok sa postmodernismo
Ang pastiche nga pagbatbat sa mga simbolo.
-- LEO BOB FLORES
Bukit Batok, Singapore
No comments:
Post a Comment