10.21.2008

ang thinker ni rodin
















Wala ko’y katungod
Nga manaway nga
Ang Thinker ni Rodin
Sa una nakong tan-aw
Mora bayag
wrestler
Nga wala kabayad
Sa iyang utang.

Naglibog ko ngano ba
Nga huboan pa ang tawo
Aron ingnon nga siya diay
Dili bogo, nga siya kabalo
Sab diay maghunahuna
Sa iyang kahimtang.

Nganong gitago niya
Ang iyang kinatawo
Nga giutgan sa mga nindot
Usab nga nanan-aw niya
Samtang siya
Nagpakaron-ingnon
Nga naghinuktok
Sa iyang gilingkoran
Nga bato nga morag walay
Gibati bisag gamay na lang
Nga kaulaw, o bisan
Pagpangihat nga siya
Sa tinuod lang
Ulagan usab.



-- RIC S. BASTASA
Katipunan, Zamboanga del Norte, Philippines

2 comments:

ayi-boy said...

mihuboy..mituhoy..nagtugsoy..ni butoy..itago ayaw...kay naay manghugyaw..wrestler ka man, sa panuhot dutlan ka gihapon..

Tito said...

Lawom ang tidlom sa pamalandong sa tawo nga maglingkod sa pansayan.


Daghang salamat sa mga maniniyot nga gapaambit sa ilang mga hulagway sa Google ug Flickr.