“It was forbidden in her marriage to open up her husband's wounds and look at them unless he asked to.” -- David Gutterson, Snow Falling on Cedars
yamat ra, nganong bulikaton man gyod
nako nang imong samad aron lang gyod
makakita ko sa hapit na nga gipang-od
nga unod tungod sa kadugay. kahibaw ko
nga bisag unsaon pa na nakog bukiki,
di gyod nako makit-an ang ngan sa nagtigbas
niini. bisag hunaran pa na nakog hagunoy
kada adlaw di na gyod na maayo kay lagi
ang hagunoy para ra sa bag-ong samad
o garas pero ang imoha agi gyod sa tigbas.
bisag moadto pa ko ni nong ingko aron
patuthuan ka kay bisag gisudlan nag dautang
espirito, bisag magpanobena pa ko sa tanang
santos nga giludhan sa imong inahan. pero
ayaw kog basula nga dugay ko naabot,
nga wa tika naabti sa bag-o pa ka nasamdan.
Kay nagdanga-danga pa lang ko, nakahibaw
nako nga makiglumbaanay sad ko sa panahon
sa pagtilap sa akoa pong’ kabahong.
-- JONA B. BERING
Tuburan, Cebu, Philippines
4 comments:
kanya kanyang ekstrang bagahe sa wa pa musolod sa kaminyoon. ang realidad nga dapat atubangon. maayo kaayo nga pagkahimo... sus pangandoy ko lang nga makasuwat sama nimo
unsay imong ikasulti sa tubag nga balak ni VVB? para kanako "sexist"...
salamat sa pagdayg, maam candice:)
kanang tubag nga balak ni nyor botsoy? magkatawa sa iyang kabuang. kahibaw mana siya ba nga ang kabahong nga akong gihisgutan kay di na maong iyang gipangyabit. sa bright side ma'am, malipay ko kay nakareact siya sa akong balak in a different light. tanang balak makit-an kyog na nyag sexual innuendos. hahaha
Post a Comment