kapila ba gyod nako subay-subaya
ang agi sa tighimalad sa jacksonsville
sa matag ambak sa nanagdaling mga lakang
sa greyhound bus. sa mga hulatanang kapehan
ilawom sa nagpangalarag nga cherry blossoms
ang mga bra’g panty nga gipanghayhay
sa palm beach, mora man nuog, sa tan-aw
ko, mga bakbak sa bakakong kahilom
sa mga balak ni omar caceres.
pastilan, hagbay rang gikomberahan
sa wati silas fidel ug eyon,
si nilo gani bag-o rang gidalitag kamingaw
sa mga way bunyag.
ang giingon mong bato nga makigromansa
sa mardi gras sa imong pagpauli
aron, matod mo, mokiay kas kumpas
sa sinulog, wa ko gyod ihinagbo
gitigom ko ang nag-amhan
nga katigmi sa amihan
kay kapila na ba mag-ingon si lotong
mopauli ka kuno kay pundokon nimog
balik ang nawasig-wasig nga pusod
sa alvicalaribi.*
maghulat ko, maghulat…
ang agi sa tighimalad sa jacksonsville
sa matag ambak sa nanagdaling mga lakang
sa greyhound bus. sa mga hulatanang kapehan
ilawom sa nagpangalarag nga cherry blossoms
ang mga bra’g panty nga gipanghayhay
sa palm beach, mora man nuog, sa tan-aw
ko, mga bakbak sa bakakong kahilom
sa mga balak ni omar caceres.
pastilan, hagbay rang gikomberahan
sa wati silas fidel ug eyon,
si nilo gani bag-o rang gidalitag kamingaw
sa mga way bunyag.
ang giingon mong bato nga makigromansa
sa mardi gras sa imong pagpauli
aron, matod mo, mokiay kas kumpas
sa sinulog, wa ko gyod ihinagbo
gitigom ko ang nag-amhan
nga katigmi sa amihan
kay kapila na ba mag-ingon si lotong
mopauli ka kuno kay pundokon nimog
balik ang nawasig-wasig nga pusod
sa alvicalaribi.*
maghulat ko, maghulat…
____________________________________________________
*ALVICALARIBI: Hugpong sa mga Bisayang magsusulat nga natukod kaniadtong dekada 60 nga gipangulohan ni Dr. Mel Allego.
-- OMAR KHALID
Medellin, Cebu, Philippines
No comments:
Post a Comment