11.22.2008

buhagay
















Inig tapad sa akong nawong
Diha sa imong kilid

Dapit sa ubos sa imong
Kahumot og kaanyag

Pangitaon ko ang buhagay
Sa mga bugnaw nga busay.

Damgohon sa akong ngabil
Ug dila ang imong katam-is,

Kaaslom, kaasgad, ang tanan
Apil na gani ang kapait

Kay alang kanako ikaw
Akong salomon, akong tilaan

Akong kitkiton sa ilalom
Sa imong mga suba ug dagat

Sa pusod sa imong mga langob
Sa mga kangiob diin ako

Ang kabo sa kahayag
Ang kainit sa dila ug ako

Ang baba, ang tilaok,
Ang liog, ang dughan.

Paimna kining giuhaw.
Dawata ang akong dila.

Paaka ako ug kan-a.
Tun-la ako tagoi ako.

Diha sa lawak sa imong
Kalag ako mobuhagay.



-- RIC S. BASTASA
Katipunan, Zamboanga del Norte, Philippines

1 comment:

Hazel C. Cobol said...

nice~
grave~
maova?
maau ang pagkagama
manglimbawt akong balhibo
hehehe


Daghang salamat sa mga maniniyot nga gapaambit sa ilang mga hulagway sa Google ug Flickr.