11.17.2008

langitnong pagpangatagak sa mga dahon
















(hubad sa balak ni Cesar Vallejo)

Bulan: harianong purongpurong sa labing dakong ulo,
nanghulog og mga dahon sa lalag nga mga anino samtang naglakaw!
Pula’ng purongpurong sa usa ka Hesus nga nagpalandong
sa gipakatam-is nga kapait, mahitungod sa mga esmeralda!

Bulan: paspasiro’ng kasingkasing sa langit,
Nganong nagbugsay ka man padulong sa kasadpan
nianang kopa nga puno sa bughaw’ng alak
kansang ulin napildi ug nag-antos?

Bulan: way kapuslanan ang paglupad pagpahilayo,
maong miulbo ka sa kasiga sa napusgay nga mga opalo:
tingalig ikaw mao ang libodsuroy kong kasingkasing
nga naglaaglaag sa bughaw’ng langit, nagpatulo og mga balak sama sa mga luha!...


Gihubad ni:
-- URIAS A. ALMAGRO
New Berlin, Wisconsin, USA

No comments:


Daghang salamat sa mga maniniyot nga gapaambit sa ilang mga hulagway sa Google ug Flickr.