12.10.2008

dulom
















Ania gihapon naghinuktok
Naglingkod ning dakong bato,
Ang atong tagboanan
Sa kainit sa atong gugma

Bisan makadaghan nang napalaw,
Ania gihapon ko dinhi namasin
Nga balikan mo kining gimingaw
sa mahayagon mong pagsubang.

Apan nabalaka ako karon
nga sama sa nanglabay nga gabii
balonon ko gihapon sa akong pagkatulog
ang mga ngano sa imong pagbiya.

Busa ania ako karon ginahampak sa mga pangutana
Nga buot molumpag ning bato sa atong handoman.
Bisan pa niana di ko tuohan ang hunghong sa katahap
Nga ang hinulman mong kahayag salimbong sa imong pagluib.



-- LUKAS MAKAPULING
Raleigh, North Carolina, USA

2 comments:

Unknown said...

Good day Sir. I shared your poem in our class. I just wanna ask if this is your real name.

Unknown said...

Good day sir. I am a university student here in Cebu. We are tasked to have an online interview with the author of the poem we have chosen and luckily,I have chosen your poem to be shared in the class. If you wouldn't mind, may I ask your email address sir?


Daghang salamat sa mga maniniyot nga gapaambit sa ilang mga hulagway sa Google ug Flickr.