12.07.2008

kontento
















kontento
nga tigulang
diha sa puti
nga mga balas
sa baybayon
nanampiling

makita
sa mga nanglabay
nga mga tunob
nga wala
siya ambata
og siya usab
wala mangambat

usa ka isla
sa tunga sa isla
walay tingog
walay kabalaka

wala siyay
labot kon mobaha
ang mga oras
dugay na kini
ug kanunay

sukad-sukad
wala gayod
siya malumos
sa kalaay



-- RIC S. BASTASA
Katipunan, Zamboanga del Norte, Philippines

1 comment:

Balitaw said...

"usa ka isla sa tunga sa isla'

wow!...i love this line.


Daghang salamat sa mga maniniyot nga gapaambit sa ilang mga hulagway sa Google ug Flickr.