12.06.2008

sa akong paglibod-libod
















Naglinya ko sa embahada.
Nag-ampo nga dili sapoton ang sekretarya.
Naghulat ko sa eroplano
nga wala moabot sa oras nga sakto.

Nakit-an nako ang Taj Mahal
nga pareho kahabog sa Mt. Diwalwal
ug ang syudad diin ang Borobodor gihakop
sa gabon nga sa hangin gitayhop.

Nakasulod ko sa baratong kan-anan,
nahinangop sa isdang tap-anan.
Nisuong sa ilalom sa syudad
kansang kagikan sa akong nasod nibahad.

Sa sulod sa tulo ka buwan
nangutana ko sa tanang maabtan
unsaon pagkaon niining tanan
nga mga hulagway sa tibuok kalibotan.

Pagkatahom sa kinatumyan sa bukid
diin malantaw nako ang tanang sugid.
Apan pagpauli nako sa amoa
walay napapas sa akong kinaiya.

Wala.
Aduna.
Wala.


-- MARIA VICTORIA BELTRAN
Cebu City, Philippines

No comments:


Daghang salamat sa mga maniniyot nga gapaambit sa ilang mga hulagway sa Google ug Flickr.