1.16.2009

balak sa uma
















(hubad sa Iningles nga balak ni Gary Soto)

Dihang ang kapatas mitaghoy
Ang akong igsoon ug ako
Mipas-an sa among mga piko,
Mibiya sa uma.
Mibalik kami ngadto sa trak
Nanagsultihanay
Sa sinaksak nga Iningles, sa sinaksak nga Kinatsila
Bahin sa mga kalan-on sa mga restawran
Sa mga ticket sa mga sayaw
Nga di namo maabot ning among mga sweldo.

Gikan sa gupok nga bintana sa trak,
Nakita ko ang mga dahon sa mga punoan sa gapas
Daw mga gagmay’ng kamot
Nga nanagkaway sa pagpanamilit.



Gihubad ni:
-- URIAS A. ALMAGRO
New Berlin, Wisconsin, USA

1 comment:

rsb said...

nindot kaayo ang balak og pagkahubad.
pagkatinood gayod.

talagsaon uyamot.
salamat sa pakig-ambit niini


Daghang salamat sa mga maniniyot nga gapaambit sa ilang mga hulagway sa Google ug Flickr.