4.07.2009

panan-awong pinutos sa puhaw nga panganod
















eco condannato…

ang siyudad nga akong nakita
nalukop og hirig nga mga edipisyo

nga kon tan-awon gikan sa taas
morag mga lungon nga naglikop

og halapad nga plasa
diin magbuntag nga way hunong

ang hilom nga prosisyon
sa sulondong mga lungsoranon

libot sa nagbuntaog nga bantayog
sa mapahiyomong mga bathala


-- VICENTE VIVENCIO BANDILLO
Dubai, United Arab Emirates

5 comments:

rsb said...

sir butch,

kon makaanha kog Dubai, mangita nya ko nimo ha
papirma ko autograph,
mangayo kog kopya sa imong libro,
dining ta sa italian resto,
suroy nya mi

then
bill me later. he he he
ok ra ka?

alig-ig said...

ha ha ha, bay ric, kinahanglang moari ka dayon kay ilabay na man ko sa laing dapit. adto na lang kaha ta magkita sa akong bag-ong assignment. imbis dining sa italian resto kaon lang tag kinilaw daplin sa dagat. :)

rsb said...

bitaw?

asa ka man ibalhin?

abi god nimo,high school pa ko
sigi na kog basa sa imong mga
poems

kanhiay morag daghan man tong imo
sa FOCUS...

WITH you i become another "it".

ka batch ba mo ni Lilia Lopez-Chua og ni Melito Baclay?

asa diay imong bag-ong assignment?

kay moadto sab ko.

alig-ig said...

ibalhin man kuno ko sa palau.

bitaw, kami man to nilang lilia, mel, ug saturnino abecia sa dekada 70. ah, those were mind-blowing times.

as far as i know, ako ray patugatugag sigig suwat. si mel hinuon morag ningbalik og suwat lately.

si abe ning-uli sa ila sa cabadbaran unya wa na gyod mobiya. i hope nga nakasuwat na siyang daghang nobela.

si lilia morag ni-migrate man to the merika in the late 80s.

sorry, ric, nalayo na ning akong estorya. pasayloa ang tiguwang nga nagsentimento...

juankusgan said...

wow palau! daghan trepang didto! morag abot raba mga sama dilaut didto. tan-awa unya ilang sinultian didto kung pupareha ra ba sa bisaya.


Daghang salamat sa mga maniniyot nga gapaambit sa ilang mga hulagway sa Google ug Flickr.