6.10.2009

kataposan sa hulaw
















(alang kang Bukog)

Nitayhop ang kaigang. Taud-taod nag-inday-inday ang halok sa
huyohoy diha sa atop, nagpatuasik sa iyang laway sulod sa abling
bintana. Nangamras ang liti sa langit. Nag-alburuto ang panganod.
Pinahayang ang unos nga gisalo sa piit nga gakos sa kagabhion.
Ug sa dihang nagluha ang yuta sa kalipay, naglutaw ang ngiob nga
tugkaran. Pagkabuntag, sa may pultahan, adunay duha ka lipak sa
kawayan--umog ug nagtinandayay--nangaanod sa niaging buhagay.



-- NEILE GENICA MIJARES
Cebu City, Philippines

No comments:


Daghang salamat sa mga maniniyot nga gapaambit sa ilang mga hulagway sa Google ug Flickr.