10.11.2009

ang panyo ni veronica
















Ganahan unta ko mangutana

sa kahimtang sa imong panyo.

Nabantayan man gyod nako'ng

hanas ka sa pagpanarapo.
Dali
kaayo ka madani
sa mga lalaki'ng
nag-antos,
unya hinay-
hinayon nimo'g trapo
ang ilang
kasubo hangtod kini
mahanaw sa
hingpit ug motapot,
mopilit
sa imong panyo.
Ganahan unta ko
mangutana
kay bisan ba, Veronica,
sa imong
kanunay panglimpyo
sa ilang
ga kasakit, basin nakalimot na ka

nga kana diay imohang' panyo
angay pod bayang' labhan, paughan.


-- JONA B. BERING
Tuburan, Cebu, Philippines

5 comments:

rsb said...

hello jona,

dili lang promising
kon dili
brandishing na jud
imong mga mugna...

pwedeng i contemporary nato
ning panyo ni
veronica?

haw abawot.... labakara?
o tualya?

o bandana na lang kaha?

Jona Branzuela Bering said...

draft pa man ni judge, kay ako man sang tan-awon ang gipangsuggest ni sir myke. bitaw no? ang panyo, lady-like ra kaayo. salamat sa suggestion, judge :D

rsb said...

bitaw jona

keep on writing... kulang kaayo tag mga babaye nga sama nimog talent...

maayo untag managhan ka na..
(literally ha ha )

ester said...

Ok ra nako ang panyo, ug ok ra pod nga may pagka lady like, kay gawas nga babaye si Veronica, kay maayo man sad nga dunay signal nga babaye ang nagsuwat sa balak.

Jona Branzuela Bering said...

salamat, ma'am ester. :D


Daghang salamat sa mga maniniyot nga gapaambit sa ilang mga hulagway sa Google ug Flickr.