10.18.2009

ang sugarol ug ang kawatan
















Ang tinuod nga sugarol
Dili mahadlok
Nga mapildi.
Ang tinuod nga kawatan
Dili mahadlok
Nga hidakpan.
Kay didto niadtong gutlo
Sa pagsugal,
Niadtong gutlo
Sa pagpangawat,
Didto nila mabati
Ang ilang hingpit nga katumanan.
Dili na unya
Sa gutlo
Sa pag-ihap ug pagluklok
Sa nahibiling puhonan.
O sa gutlo
Pagtan-aw
Sa mga kamot nga giposasan.


-- URIAS A. ALMAGRO
New Berlin, Wisconsin, USA

5 comments:

rsb said...

bilib ko sa pagkahan-ay
morag
isosceles triangle.

salamat

alig-ig said...

Uyon ko nimo, Bay Ric. Kining balaka hugot pas bukton sa dalagang bag-ohay lang namukol. Kudos, Doc U.

Ang kombinasyon sa sugarol ug kawatan naa sa nangabit--ug dili ko na lang klarohon kon sa unsang gutloa niya mabati ang kinapungkayan sa iyang katumanan. ;)

m.u.o. said...

Nyor Ury, pahalipay sa ika-200 nimong balak sa Kabisdak. Hangtod sa sunod nimong tampo. Ayo-ayo!

MykeO

Kris said...
This comment has been removed by the author.
M said...

companero,

balak
hitchcock

kulbahinam
natagamtam

-mananambalak


Daghang salamat sa mga maniniyot nga gapaambit sa ilang mga hulagway sa Google ug Flickr.