6.16.2010

awit dihang wa’y timik ang mga gangis
















Mokagiw palayo ang hangin
Gani mohunong ang mga balod
pagtuya-tuya. Unya takulahaw
Ang mga kinana-as mahanaw.

Didto sa kawanangan
Maglutaw ang tubig-ulan
Modumili sa paghagwa
Sa yuta. Bisan ang adlaw
Dili gyod mopatim-aw.

Ingon niani ang tanan, pinangga.
Sa higayon nga motakilid ko,
wala ka nga akong hinol-hinolon.


-- GINA MANTUA-PANES
Cebu City, Philippines

6 comments:

M said...

haylohon ko siyang mobalik
aron imong hinolhinolon
sa imong pagtakilid
pagtikulob
paghayang
tanan molihok
motapya
tap

-mananambalak

ginamantua-panes said...

nyor mel,
hahaha. salamat sa comment. salamat sa pag-ari sa Cebu. salamat sa libreng paniudto ug red wine.

ayo-ayo,
gina

M said...

gina,

way sapayan.
kay nasud-ong tikag personal gayod
di na ko mohanduraw kanimo
dinhi ning akong langit

nyormel

M said...

gina.

di na kinahanglang mohanduraw pa
gikulit na ning panumdoman
nagtagay og red wine atbang kanako
tinugtan ni lolo menes

-mananambalak

ginamantua-panes said...

nyor mel,

sa gihapon salamat sa imong pagtugot. itugway ko pa gihapon ayawat makaabot sa inyong tunaan.

gina

M said...

ang tunaan
lagkit
namilitpilit
agulo awit
lapok
mohamok
kakatol kagilok

-mananambalak


Daghang salamat sa mga maniniyot nga gapaambit sa ilang mga hulagway sa Google ug Flickr.