6.26.2010

mubo
















Usa ka gabii, kuyog nako ang usa ka babayeng ang panginabuhi mao ang pagbilar sa kagabhion. Niadtong gabhiona, ang iyang lawas bituon sa akong mga mata, ang duha ka bulan nga nag-ugdo sa halapad niyang dughan nagkiat sa akong kahinam.

Kalit kong katingala sa alingag-ngag pa lamang sa akong pag-am-am kaniya: ang iyang agulo di masipra, ang iyang pilok inanayng nagkalagas, ang iyang aping gibanlas sa yamog gikan sa iyang mga mata. Nahanaw usab ang iyang bukton, sampot, bulan ug bituon hangtod nahingpit ang iyang pagkahanaw.

Nabilin kong nag-inusara.

Ang gibulhot nakong aso sa sigarilyo karon walay kalainan niadtong mubong higayon.


-- GLENN T. MUÑEZ
Dumanjug, Cebu, Philippines

2 comments:

M said...

cigarette/drug-induced
fantasy/hallucination

padayon pagtagik bahin
sa talagsaong kasinatian

-mananambalak

Emeniano A Somoza Jr said...

Really fine fine work here. Brilliance!


Daghang salamat sa mga maniniyot nga gapaambit sa ilang mga hulagway sa Google ug Flickr.