9.09.2010

lalaki naghikog sulod sa iyang lawak
















Usa ka lalaki ang napalgang nagbitay sulod sa iyang lawak kagahapon sa alas 3:00 sa hapon.

Basi sa pasiunang imbistigasyon, sa dihang misud ang inahan sa lawak sa iyang anak, iyang napalgan ang naghilak nga selpon, ang way-timik nga samin, ang natingsi nga pisi, ug ang nagbitay nga lawas.

Sumala sa kapolisan ang naghilak nga selpon misugilon sa hinungdan sa lalaki sa hinanaling pagkutlo niini sa iyang kinabuhi.

Sa laing bahin, ang pisi nga nagtingsi miingon: midangop siya kanako sa pagtuo nga wa na siyay laing kapadulngan. Wa tugoti ang yuta nga dangupon ang natagak ug nanuktok niyang luha.

Ang kahilom sa samin, sigon sa inahan mihunghong: tungod kay ang pisikal nga lawas dili haom nga manguyab sa iyang kasakit.


-- GLENN T. MUÑEZ
Dumanjug, Cebu, Philippines

2 comments:

M said...

balak nga mitandog
sa kasingkasing ug kalag
usa ka santilmong magbalikbalik
usa ka mistikonigmang nalalik

-mananambalak

Litoux Camus said...

ang pag-usbong sa postmodernong alampat
ania sa mga kamot sa sugboanong sipat.

suwat pa bay glenn!

-karnibalakero


Daghang salamat sa mga maniniyot nga gapaambit sa ilang mga hulagway sa Google ug Flickr.