kabisdak: ang singgit ug ang hunghong

1.04.2011

ang singgit ug ang hunghong

Bisa’g unsa kakusog ang imong pagsinggit,
way makadungog kanimo kon tua ka
sa usa ka suok. Padungga ako og dalugdog
sa tumoy sa imong hunghong,
ug bation ko ang pag-uyog sa mga sanga
sa unos nga imong ibilin.

Ngitngit didto sa kinatung-an
sa nagsilang nga bulan. Ingon nga ngitngit
didto sa sulod sa suok. Ang pagpamalak
usa ka pultahan aron ka makaguwa
ngadto sa bulanong gabii. Kuhaa
sa iyang sad-onganan ang bughaw’ng gitara,
ug dinuyugan sa iyang pagkuskos, ihunghong,
ayaw’g isinggit, ang bag-o mong harana.

(alang sa mga magbabalak sa pinulongang Binisaya)

-- URIAS A. ALMAGRO
New Berlin, Wisconsin, USA

4 comments:

M said...: di ko kasinggit ug kahunghong
naamang sa imong kaanyag
puwede bang
akong harana
taghoy-taghoy lang
o sign language ba?

one of the patented
almagro poems of the heart

-mananambalak companero; January 5, 2011 at 9:29 AM
ginamantua-panes said...: nyor,
mahimo ba nga samtang nahinanok pa ang akong musa sa balak, mukiay-kiay lang usa ko sa taghoy-taghoy ug hunghong sa inyong mga harana hangtod mapukaw ang lingganay sa akong mga linya?

gina; January 7, 2011 at 3:24 AM
M said...: puwede gihapon, Gin.
maglibog kag pili namong duha
parehog he-man ubanong casanova
hala kiay-kiay diha
samtang gihapuhap gipukaw
namo ang lingganay sa imong linya

-dirty old men; January 7, 2011 at 2:52 PM
ginamantua-panes said...: nyor,
hahahaha, dili lang kiay nyor mulabyog gyud nya ko. ambot kining akong mga linya nyor uy, dili pa nako mapugos bisan pag uyog-uyogon. hapuhap siguroy kulang.hehehe.

pasayloa diay nyor nga karun pa ko kaabli ning atong balay sa mga balak. nabisi na sa pagka maestra.

ang inyong magdadayeg; January 21, 2011 at 12:45 AM

hagit sa handurawan

"Reimmersion (in native culture) is not an end in itself; it is to define more clearly the native grounds on which the Cebuano poet stands, the local parameters of language and experience, toward the end that he can stand in the world confident in the singular value of his own voice...

To conserve and extend the resources to which the Cebuano poet is heir by enhancing the natural rhythms of native speech, cultivating the rich concreteness of dialect, and confronting the particulars of his social experience...

The Cebuano poet today does not come upon a language that is already there, ready to use; he has to recreate it not only out of the rawness of daily speech but summon out of language that which has already fallen away from common consciousness and use."

-- Dr. Resil Mojares,
"Cebuano Poetry: Looking Backward, Forward."

matod nila, mando nato

"What could I say at all without my roots?... What could I say without coming to ground?... and I took no journey other than the return."
-- Pablo Neruda

"And the end of all our exploring will be to arrive where we started and know the place for the first time."
-- T.S. Eliot

"The work of language deserves our greatest care, for the tongue’s fire may devour the world, or may light the way."
-- Scott Russell Sanders

"Memory that yearns to join the centre, a limb remembering the body from which it has been severed, like those bamboo thighs of the god… The personal vocabulary, the individual melody whose metre is one's biography, joins in that sound, with any luck, and the body moves like a walking, a waking island."
-- Derek Walcott

"We ascend, from the infinite pit of our perceptions, to the finite life of words."
-- William Bronk

salo-salmot

Ari mo! Ambi, atong tilawan ang imong tampo. Palihog ipadala lang ang tinagik nga balak ug sugilanon ngadto sa geemyko@gmail.com.

Kinahanglang bag-o pang haon ang mugna nga imong buot idalit. Ang tigpasiugda ug tigdumala (moderator) niining balayan gapanilap sa katungod nga mopili ug modumili sa tampo. Tugotan pod unta siya og higayon nga mosugyot pagdugang og asin kon matab-angan usahay, pasabwan kun paughan gamay imong hinukad. Mao'y tumong ining balayan ang mamugnaong paghalingay ug pagsaw-anay sa atong gidalit. Kon gibalibaran, palihog ayaw og tyabaw. Ayaw tawon pamaak. Lagmit wala lang mobukal ang lana sa tigdumala kabahin sa timailhan sa tinuod nga wakwak.

sa makausa pa

"Reimmersion (in native culture) is not an end in itself; it is to define more clearly the native grounds on which the Cebuano poet stands, the local parameters of language and experience, toward the end that he can stand in the world confident in the singular value of his own voice...

To conserve and extend the resources to which the Cebuano poet is heir by enhancing the natural rhythms of native speech, cultivating the rich concreteness of dialect, and confronting the particulars of his social experience...

The Cebuano poet today does not come upon a language that is already there, ready to use; he has to recreate it not only out of the rawness of daily speech but summon out of language that which has already fallen away from common consciousness and use."
-- Dr. Resil Mojares,
"Cebuano Poetry: Looking Backward, Forward."