2.13.2011

surprisa


Kandilaon og mga tudlo ang akong uyab.
Ang iyang buhok, sinapid--
Daw pising gitugot sa naglutaw kong sakayan.
Ang iyang suwang, manggahon.

Ang iyang lawas,
Sama kakurbada sa dalan sa Barili.
Ang iyang batiis, tul-id, bus-ok, hamis,
Ug sama kaputi sa singkamas ni Nang Linda sa eskina.

Kanunay ko maglupad matag naa siya sa akong tupad.
Matag higayon nga siya mopahiyom,
Ang iyang kandiis daw mohigop nako
Ngadto sa wanang nga kanunay nakong dumdomon.

Karong Pebrero 14, isurprisa ko siya.
Kay hangtod karon, wala pa siya masayod
Sa among panag-uyab.


-- GREG A. FERNANDEZ
Muscat, Sultanate of Oman

3 comments:

rsb said...

mao nay giingon og
the girl doesn't knows....

Unknown said...

makapahiyom ang bilyakong ending
dili ko maihap ang gipangangkon
kong mga trato kaniadto.
Greg maoy magbabalak
sa Kabisdak
sa Enero ug Pebrero

M said...

makapahiyom ang bilyakong ending
dili ko maihap ang gipangangkon
kong mga trato kaniadto.
Greg maoy magbabalak
sa Kabisdak
sa Enero ug Pebrero.

-mananambalak


Daghang salamat sa mga maniniyot nga gapaambit sa ilang mga hulagway sa Google ug Flickr.