3.13.2011

pagkawala


Gitupihan niya ang iyang bulbol.
Gisulod niya ang nangaputol
sa usa ka garapon, ug kini
gibutang sa altar.

Daw hubo nga pulong
sa iyang tutonlan, ang iyang ngalan
giyamyam niya sa dila
nga dili mailhan.

Karon, kon imo siyang tutokan
mobaw’s kini sama sa baki
nga nanglimbasog batok
sa iyang panumdoman
kon asa niya nawani—
sulod sa distrito sa pinulongan
o kaha sa nagkalain-laing pasilyo
sa usa ka lungsod—ang pinitik
sa iyang kasingkasing.



-- GLENN T. MUÑEZ
Dumanjug, Cebu, Philippines

4 comments:

M said...

ang mga nomadik pinitik
sa kasingkasing mo Glenn
tua sa dumanjug gigaid
ginamit ang gigunting

frank bold enjoyable poem
mykeO-nesque without within

-mananambalak

Ka said...

nyor mel,

daghang salamat!

padayon sa pagpangita og mga pulong.

daghang salamat usab sa imong librobalak.

glenn,

Litoux Camus said...

amigo,
angayan na natong pagasaw-an
ang rolyo sa aliyupyop nga gikan pas kasadpan(balamban)
aron di lang pinitik sa kasingkasing
ang atong madunggan
lakip na ang hagawhaw sa laoy nga utok giabrihan

kanimo,
m.d.k.

M said...

way sapayan.
kumosta kaninyong tanan sa atong
bebodofilamimuve poetry ensemble
o nomad?

baira ang inyong mga dagang!

-nyormel


Daghang salamat sa mga maniniyot nga gapaambit sa ilang mga hulagway sa Google ug Flickr.