4.23.2011

kanunay


Matag semana santa akong mabantayan
si nanay nga magpuasa,
magpiyong-hangad sa kisame
magyawyaw sa litaniya.

Apan ngano duna man gihapon

parehang nanay matag adlaw:
walay kaon, gasiga ang mata
hangad sa langit, gayawyaw.

Kanunay ba diay ning semanta santa?



-- JESSREL E. GILBUENA
Bantayan, Cebu, Philippines

1 comment:

M said...

kanunay ang semana santa
sa mga biyata
sa mga timawa

walay semana santa
sa mga taspokan
sa mga igoyng
gibuhi sa kagamhanan
diri sa amorsiko amerika

-mananambalak


Daghang salamat sa mga maniniyot nga gapaambit sa ilang mga hulagway sa Google ug Flickr.