9.20.2011

padigo-padunot*

Maghilak kong mopauli kaniadto, mohangyo sa akong Lolo nga buhatan na sab ko'g kasing kay ang bag-o niyang ginama tua, nagbuy-od sama'g patay nga sundawo gikan gikunis-kunis sa labawng' dako nga kasing ni Naldo. Moagik-ik siya'g katawa, dayo'g bulhot sa aso gikan sa iyang hunsoy. Tulo ka adlaw niyang buhaton, ug tulo pod ka adlaw ang kalaay sa pag-apong ug pagpaabot. Kutihan kaayo siya. Dili katingad-an nganong ako ang dunay kinanindotang kasing sa amoa, ug nganong ako pod ang kanunay sigurohon ni Naldo. Upat lang ka adlaw ang lahutay sa akong matag kasing. Dili ko kahinumdon kon pila ka kasing ang nahimo ni Lolo. Apan ning bag-o lang, mibalik nako ang iyang gipamulong matag higayon nga ihatag na niya nako ang bag-ong ginamang kasing... apan wala ko makasabot. Kalapad sa wanang sa paghinumdom ug pagpaabot. Padayon kong magduwa og padigo-padunot.* 

___________________________________
* padigo-padunot: duwa ginamit ang mga kasing diin ang tumong mao ang pagpulpog sa kaatbang pinaagi sa pagtumba o pagkanil niini hangtod mabuak gamit ang hait nga lansang sa imohang kasing. 


-- IOANNES P. ARONG 
Lapu-Lapu City, Cebu, Philippines

4 comments:

kumar said...

It is very good to see . It contains more information what i need .It contains famous words . Hats off to your site and post . . I like this site very much . . So thank you very much.

Regards

Love quotes

rsb said...

sa amo ang kasing, kote.

mao na ingon sa insik: guma ko imo day, dili kana guma ligid, guma kana kasing. Dili kana kasing tuyok, kasing kana dughan.

M said...

may we know what are the famous
words?
you must have lived in the
Philippines for a long time.

-mananambalak

shai said...

ang kada bata nga lalake sa una niagi jud aning kasing, apan karon naghinayhinay na ug kawagtang. tana makita nila ang kalingaw nga maihatag sa mga tradisyunal nga dula.


Daghang salamat sa mga maniniyot nga gapaambit sa ilang mga hulagway sa Google ug Flickr.