10.06.2011

si joe, ang batan-on kong higala

Inig ka Domingo, sa misa,
molingi ako sa pikas kilid sa lakwanan
pagtan-aw kon tua ba maglingkod si Joe.
Unya inig kahuman na sa misa
molabang ako aron paglamano kaniya.
Kumosta, okay ka ba Joe?
Of course, motubag siya nga magkatawa,
okay ako sa kanunay. Timan-i,
93 anyos pa lang ang akong panuigon!


-- URIAS A. ALMAGRO
New Berlin, Wisconsin, USA

1 comment:

LEGAL EAGLE said...

Ang akong amigo, sus, hapit na mo 94. Pagbiya diri, abi nako ug nag siyete palabras na mi. Asa ka, nga Cathay pa ang gisakyan pauli sa Cebu. Excited pa nga mag-stop over sa Hongkong. Unya mobalik pa karong Disyembre. Ang nubenta kuno mao nay otsenta karon.

Lupigon pa ko inig sakay sa eroplano.


Daghang salamat sa mga maniniyot nga gapaambit sa ilang mga hulagway sa Google ug Flickr.