11.25.2011

ang payag sa bungtod

inig-abli sa iyang bentana
mosulod ang kabuntagon
sa sulod, mangukab sa
tinabonang tinughong sa
babher, manimhot sa sinugbang
putpot, molingkod sa lantay
magkanta-kanta og
kamingaw sa payag,
ug kon mokatol ang kamot
mangawat og itlog sa pangki,
manghimudlay sa
sibay ug magpakaaron-ingnon nga
karaang bisita, magtaghoy-taghoy,
motilaw sa utan-kamunggay,
unya mogawas kini nga
magsipit sa kahumot sa aso
sa abohan, lugsong sa darohan
mosakay sa kabaw ug mohunghong
sa mag-uuma nga tingpamahaw na
ug nakaligo na ang iyang asawa



-- OMAR KHALID
Medellin, Cebu, Philippines

2 comments:

M said...

rural tone sustained
throughout the poem
even in the wife's morning
bath ready to be devoured
by the pulsating sunrise
emanating from the fertile
bolo of the farmer
what a sensual imagery
by a complete versatile
all-encompassing poet!

-mananambalak

Litoux Camus said...

the return of the comeback. makagutom. :)


Daghang salamat sa mga maniniyot nga gapaambit sa ilang mga hulagway sa Google ug Flickr.