3.09.2012

bisibis sa banag-banag


Manghugyaw ang mga tulunggon
Nga ginama sa iyang puangod.

Mobangon ang mamala sa pagsugat
Sa bag-ong bisibis nga mokatap

Og kabugnaw sa nangliking aping
sa yuta, mahumod sa halok sa yamog.

Ug inig tumaw sa banag-banag, maalim
ang samad ilawom sa atong mga tunob.

Unsa’y gahom sa gababag nga kangiob
Ug sa katig-a nga gatunglo sa adlaw?

Hangad ug paminawa ang panganod
Nga nanghupaw sa iyang pasaylo.


-- GINA MANTUA-PANES
Cebu City, Philippines

No comments:


Daghang salamat sa mga maniniyot nga gapaambit sa ilang mga hulagway sa Google ug Flickr.