4.18.2012

nawong


Ang tanang paglimot sama sa buwan,
matag gabii lahi og nawong. Usahay,
kini mosidlak apan apan wala’y
kangulngol sa kalimutaw. Usahay,
kini sama sa bakunawa diin naglinya
ang kawad-on sa mga niaging tuig.
Apan ang pagpasaylo maglugitom lang
gihapon sa nagdulog nga mga bituon.


-- CINDY VELASQUEZ
Cebu City, Philippines

No comments:


Daghang salamat sa mga maniniyot nga gapaambit sa ilang mga hulagway sa Google ug Flickr.