9.05.2012

tan-awa ang atong litrato

(kang Frank)

Tan-awa ang atong litrato sa Siem Reap
didto sa Ta Phrom:
naglingkod ta sa usa ka dakong gamot
nga miliyok sa lagpad nga mga bato
ug sa mga nangatun-as nga bungbong
sa tunga sa kalasangan.
Ug gikuha sa tour guide ang atong litrato,
nagpahiyom ta ug giagbay mo ang imong bukton sa akong abaga.
Ang bidlisiw sa adlaw mibanda sa atong buhok
ug nagporma’g korona sa atong ulo
ug ang atong mga mata mipunting
ngadto sa halayo, sa halayo, ug
layo pa gyod kaayo,
ngadto sa pipila ka libo ka katuigan
gikan karon.
Kon dili ta molihok sama niining mga bato
ug magpabilin ta sama sa niining hulagway
ug kon ang mga gamot moliyok sa atong mga bitiis
ngadto sa atong hawak, mga kuko ug tumoy sa migilak nga buhok,
ug kon sa pagpanglabay sa panahon
ang lasang moangkon kanato sa iyang paghikalimot
tingali usab, dihang higayona,
makab-ot nato ang pagkawala’y kamatayon.


-- ESTER TAPIA
Kathmandu, Nepal 

3 comments:

M said...

mistikonigma
poignant
nganong katagsa
ka rang mosulat,
ester?


-mananambalak

Sinugang said...

Talagsa ra sad ko makabalik sa KABISDAK sa kabusy...imagine, karon pa nako nakit-an ang imong comment, 2012 pa man ni , and I do make it a point to respond and NOT to ignore comments, kay talagsa ra may tawo nga ganahan gyod ug poetry...please forgive me for not writing back soon enough...

Sinugang said...

Thank you for your comment, I only read this now 2016 na lang, I make it a point to respond pero, wa tingali mo register ang akong response niadto...But now, I made sure it does...i like your comments and i wish you have a nice valentines day today...


Daghang salamat sa mga maniniyot nga gapaambit sa ilang mga hulagway sa Google ug Flickr.