9.07.2012

tingog

“Voice is place.”
--Simeon Dumdum

Wala na ko
kabalo asa padulong--nasaag ko
sa kahilom. Wala na’y
dapit kining dunggan alang sa
huni sa padulngan.

Nibuka imong baba
ug niyagyag sa mga balighong
pulong. Nakalingi ko sama,  pananglitan,
sa pagkadungog og kanaas
sa akong luyo. Aduna’y huot
apan lahos nga dalan ang imong
tingog. Gidani ko sa matag labyog
sa imong dila. Nisubay ko. Diha
sa imong mga ngabil
napadpad ko.


-- JESSREL E. GILBUENA
Bantayan, Cebu, Philippines

1 comment:

Akoy said...


baligho [ba.lig.hù.] : unlooked-for (adj.); strange (adj.)


Ummm, mao diay ning kabalighoan. Kini nga balak pod, gibalikan ug basa kay nindot siya, ambot ngano basta gisabayan lang ang labyog sa dila kay didto man kuno sa tumoy magkita.


Daghang salamat sa mga maniniyot nga gapaambit sa ilang mga hulagway sa Google ug Flickr.