10.09.2012

omni


Bisan asa ang mga sanga. Dili masaag
ang mga langgam. Labaw pa sa tabanog kining
kasingkasing bisan pa man kon ang kauhaw

sa akong inahan tugbang sa tago-angkan
sa taligsik atol sa ting-init. Gapanilap ko
duyog sa mga tiki nga dili maihalas kon unsa’y
isugilon sa mga kwaknit samtang gabitay.

Subayon sa tirador ang kanunay kong giampo:
Kanang mga tunok nga gahuwat sa mga tunob.
Kining mga katol nga gatultol sa mga tudlo.


-- MICHAEL U. OBENIETA
Topeka, Kansas, USA

1 comment:

M said...

mga talinghaga
mga tigmo
mga gumonhap
mga duhiraw



-mananambalak


Daghang salamat sa mga maniniyot nga gapaambit sa ilang mga hulagway sa Google ug Flickr.