4.07.2013

berano


Nagkahuot ang alimuot
karong udto, ug buot ko 

nga matin-aw unta 
ang akong hunahuna, 
labi na ning panahona. Apan
ikaw nga naghigda tupad 
nako--ikaw ang bugtong isla
taliwala sa nagkatag kong 
dughan. Kon dagat pa unta
ako, hagbay ra untang 
nahagkan ang imong 
baybayon. Bisan tuod 
nasaag ta sa pagbanlas 
sa panahon, mahimuot ko 
kon mabati mo gikan ining 
tanan kining hapuhap 
taliwala sa kaigang 
sama sa unang uwan.


(alang kang Margaret Fabian)

-- TON DAPOSALA
Cagayan de Oro City, Philippines 

No comments:


Daghang salamat sa mga maniniyot nga gapaambit sa ilang mga hulagway sa Google ug Flickr.