Lupi na ang mga tansan
sa San Miguel beer.
Sama sa pag-ihap
sa mga botelya nga natumba
mao sab ang kabasiyo
sa akong kauhaw.
Matod nimo: Pasagdi
ang panumdoman.
Bisan sa pagpanglabay
sa katuigan nga tin-aw unta
sa kalinaw kon hikalimtan pa,
balik-duaw ang mitaliwan
sama sa damgo.
Sakto ka! Maupaw ko
kon lukdoon ko gihapon
ang tataw nga pagdumili.
Di ko nalang iphon ang nanglabay.
Dili hapsay ang pagbalik
sa tinalikdan. Gani,
nayunyon na ang lubot sa buwan
og dayag na diha sa kahilom
nga aduna’y natuk-an
sa banagbanag.
Buntag na. Pasagdtan ta
nga habolan sa panganod
ang bugtong bituon.
-- DENNIS S. SARMIENTO
Maryland, USA
No comments:
Post a Comment