8.03.2013

tambis


Gatuo ta nga patay na
ang punoan sa tambis
atubangan sa balay.
Sulod sa usa o duha ka tuig,
daw wa na kini matuboi'g dahon.
Nawad-an sab kini'g daghang mga sanga
ug gani mora'g punoan na lang
ang gapabilin niini-- usa ka haligi
nga may pipila ka lagpad nga dahon.
Hagbay ra pod kining wa bisitaa
sa nga langgam ug kwaknit.
Ug ang mga sulom dugay rang namakwit.

Dihang gidawat na nato
iyang kamatayon,
kalit tang gihagwa
sa iyang pulahong katam-is.


-- GRATIAN PAUL R. TIDOR
Dipolog City, Philippines

No comments:


Daghang salamat sa mga maniniyot nga gapaambit sa ilang mga hulagway sa Google ug Flickr.