10.24.2013

balili


nagpatuyang og tubo
ang mga balili
atubangan sa balay

matod pa
sa among silingan
angayan na daw ning dampasan
aron di puy-a'g bitin

apan bisan pa ma'g gasiwagkang
ang ilang pagtubo, makatapol
ilang kanindot labi na'g diha 

sa ilang pagpanuyhakaw
halokan sa bidlisiw
ang salin sa ulan
sa miaging gabii


-- GRATIAN PAUL R. TIDOR
Dipolog City, Philippines

No comments:


Daghang salamat sa mga maniniyot nga gapaambit sa ilang mga hulagway sa Google ug Flickr.