12.15.2013

food chain


Giingkit sa isda ang lumot nga nasangit sa bato,
ug ang isda gidagit sa gitgit
nga mapailubong nagpaabot
sa punoan sa mangsi,
ug kini gilungkob sa banog
nga gitirador ni Bonbon
ug iyang gisugba,
ug ang mga bukog, giitsa
sa kagirong iro ni Tonyo
nga gihimong sumsoman sa mga palahubog
sa baryo, ug ang mga salin
gilawog sa tambok nga  baboy ni Nang Juana,
ug dakong kaanugon
kay igo ra kining gilamoy
sa buwaya.


-- JONDY M. ARPILLEDA
Davao City, Philippines 

No comments:


Daghang salamat sa mga maniniyot nga gapaambit sa ilang mga hulagway sa Google ug Flickr.