4.28.2014

giatitod nga bahaw


kagagmay nila
apan kadako sa paningkamot 
pagkutkot sa usa ka bandihado
nga tinakoban ni mama
sa among nabahirig 
nga lamesa

kaabtik nila
gakaguliyang og saka-kanaog 
bisan gitaktak nako 
gikagubtan gihapon nila 
ang nahulma nga sampot 
sa giuling nga kaldero

kapaspas nila 
galumbaanay sa ilang kaharab
pag-ikyas sa kamatayon 
kon sila akong irokon samtang 
nakat-on na ko karon paghaling
likay sa kagutom


-- LESLIE S. NUÑEZ
Compostela, Cebu, Philippines

No comments:


Daghang salamat sa mga maniniyot nga gapaambit sa ilang mga hulagway sa Google ug Flickr.