10.21.2014

mga sulod sa backpack


mangaliya sa mga pak-ang dila espiritu santo ginaingong pasiunang bayad 
sa ginoo giluom nga pangluod tinipigang kahiubos tinagoang pagdumot 
napusgay nga pangandoy giminong tingusbawan maidlas nga kalamposan 
panumpang nahisalaag hinanaling pagluib dalikyat dani wala mahinayon
nga pagtubok nadubok wala makompisal nga mga sala nanagsuhing hinulsol 
nagdeliryong alindasay nanudya nga pangindahay alimungawng panghayhay 
kalabera sa tanlag  mga kanhing musa mga kinuptanang giuli hatod-kawat 
sa sinalikwayng halad mga pughaw nga hulagway sa giagup-op nga album 
mga sensilyo alang sa makalilimos balak nga wamapatik gitangag sa ulan
gikan gapatighulog sa langit p.s.:  ikaw lang kagahapon 
handomanan padayon nakong gipas-an hangtod karon


-- MELQUIADITO M. ALLEGO
Golden Meadows, Louisiana, USA

No comments:


Daghang salamat sa mga maniniyot nga gapaambit sa ilang mga hulagway sa Google ug Flickr.