3.28.2015

hangtod sa pag-abot sa sunod nga mopasiga


Palihog patya ang suga kon ikaw andam na sa imong pagbiya.
Dili ko buot makasaksi ka sa akong mga luha. 

Palihog patya ang suga sa dili pa ang pultahan moagiik.
Dili ko buot maghuwat pa sa imong pagbalik.

Palihog patya ang suga kon mopadayon ka paglakaw.
Dili ko buot nga wala'y dagkotan kon kinsa pa'y laing mamukaw. 


-- ANNE DAYMIEL
Dipolog City, Zamboanga del Norte, Philippines

No comments:


Daghang salamat sa mga maniniyot nga gapaambit sa ilang mga hulagway sa Google ug Flickr.