5.07.2015

pagpaminaw


ubos sa punoan diin ikaw
nagpalandong nagpabugnaw 
nagpabilin ka bisan nanilhig
ang orasan samtang padayon
nga gakatag ang hunahuna 
kabahin sa imong mga sala
batok sa kaugalingon

naghinuktok nakita nimo 
ang anino sa imong pilok
lakip sa kahayag gikan diha 
sa kamatyonon nga kandila


-- RIC S. BASTASA
Katipunan, Zamboanga del Norte, Philippines

No comments:


Daghang salamat sa mga maniniyot nga gapaambit sa ilang mga hulagway sa Google ug Flickr.