10.28.2015

paghibalik


Sa unahan, nangabaligtos
ang uhay sa mga amorseko
mao ra'g sagradong kasabotan
nga dili malibkas sa ngabil
sa hinigugma ug gihigugma
kun panaad nga nagbugkos
bisan unsa pa ang bulok
kun bayhon sa kahadlok,
kauhaw ug gidamgo.
Pila na ba ka ting-uwan
ug huwaw ang miagi, Mahal, 
nga di ko na man masubay
ang gibiyaan kong dalan?


-- NOEL P. TUAZON
Dauis, Bohol, Philippines

No comments:


Daghang salamat sa mga maniniyot nga gapaambit sa ilang mga hulagway sa Google ug Flickr.