11.27.2015

mga tipik


Kay lagi nahadlok ka
nga masakitan, gagmay ra

nga mga tipik
sa imong kasing-kasing
ang imong gipaambit--
karon,
unya,
ugma

ug sa sunod na pod

nga higayon. Ug wala nimo
damha sa paglabay
sa mga adlaw
wala na’y 
makusnit,
nahurot na

ang tibuok nga gitipigan
sulod sa imong dughan.


-- JOLIE ANN R. CARTUCIANO 
Cebu City, Philippines

No comments:


Daghang salamat sa mga maniniyot nga gapaambit sa ilang mga hulagway sa Google ug Flickr.