7.01.2016

balak dalikyat (i)


1. ayaw tamaya ang kinaraan

naupawan sa nagbuntag nga kunohay pagdalikyat
ang kinimpitang pamisitang pinadunghay nga nisibat

2. sa imong paghangyo-lubo sa gisuroy kong tinda

nidag-om og pamalikas akong bagtak sa pagbaktas
nibaha’g panglingo akong ilok sa pagkaugtas

3. pamukaw sa nagpulaw

gipalanog atong sikreto sa gitabi sa gidaman
gidasonan atong giangkon sa singgit sa naalimungawan

4. adlaw sa panudya

gilat-an akong damgo sa kasina nga nagdilaab
paghaon sa katumanan may natuk-an ug nanglug-ab

5. lunop-bawos sa timawa

kay gipabuto ang ice water sa tinud-anay nga huwaw
gibumbaha’g mineral ang inarte nga uhaw


-- DESIREE L. BALOTA
                                                                                                                          Talisay City, Cebu, Philippines

No comments:


Daghang salamat sa mga maniniyot nga gapaambit sa ilang mga hulagway sa Google ug Flickr.