8.04.2016

dalikyat


walay buwan karong gabhiona
nagbanig ta og langkay

taliwala ning libon
nga kalubihan 

wala ta mapukan sa kakulba
mas kusog ang hinagubtob 

sa kahidlaw ug kamingaw
niining bahina sa isla

midalikyat ta og hapit
sa nagkahugot nga kangitngit


-- IOANNES ARONG
                                                                                                                                 Lapu-Lapu, Cebu, Philippines

No comments:


Daghang salamat sa mga maniniyot nga gapaambit sa ilang mga hulagway sa Google ug Flickr.